AVISU LLEGAL Y POLÍTICA DE PRIVACIDÁ
1. Datos del titular de la páxina
D’acordies colo afitao na Llei 34/2,002 de Servicios de la Sociedá de la Información y de Comerciu Electrónicu infórmase que l’Asociación de Traductores Profesionales n’Asturianu Verbéu con C.I.F. G-10848091 ye’l titular del sitiu Web con nome de dominiu que ye www.verbeu.as y les señes de corréu electrónicu son xeneral@verbeu.as
El llar social de l’Asociación de Traductores Profesionales n’Asturianu Verbéu asítiase na Casa Cultura de Santuyano, Ctra Xeneral, e/n, 33527, Santuyano, Bimenes (Principáu d’Asturies).
2. Propiedá intelectual ya Industrial
El códigu fonte, los diseños gráficos, imáxenes, semeyes, soníos, animaciones, software, testos, asina como la información y en definitiva los elementos conteníos nel sitiu Web tán protexíos pola llexislación española sobre los drechos de propiedá intelectual ya industrial a favor de l’Asociación de Traductores Profesionales n’Asturianu Verbéu, nun dexándose’l so usu con fines comerciales y de resultes nun dexándose la reproducción y/o publicación, total o parcial, nin el so tratamientu informáticu, distribución, espardimientu, camudamientu, tresformación o descompilación, etc., ensin el permisu previu y per escrito del titular.
L’usuariu namái pue utilizar el material qu’apaeza nesta páxina Web pal so usu personal y priváu, nun se dexando’l so usu con fines comerciales o pa cayer n’actividaes illícites. Tolos drechos remanecíos de la propiedá intelectual tán espresamente acutaos pola Asociación de Traductores Profesionales n’Asturianu Verbéu.
L’Asociación de Traductores Profesionales n’Asturianu Verbéu mirará pol cumplimientu de les anteriores condiciones al igual que pol usu acionáu de los conteníos presentaos nos sos sitios Web, exercitando toles aiciones civiles y penales que-y correspuendan nel casu de falta o incumplimientu d’estos drechos per parte del usuariu.
3.- Proteición de datos de calter personal
D’acordies colo prevenío nel Reglamentu (XE) 2.019/679 del Parllamentu Européu y del Conseyu relativu a la proteición de les persones físiques no que cinca al tratamientu de datos personales y a la llibre circulación d’estos datos (Reglamentu Européu de Proteición de Datos) y na Llei Orgánica 15/1.999, de 13 d’avientu, de Proteición de Datos de Calter Personal, infórmase que determinaes estayes del Web piden al usuariu una serie de datos de calter personal que s’inxeren nos ficheros creaos y calteníos so responsabilidá de l’Asociación de Traductores Profesionales n’Asturianu Verbéu con llar enantes dichu y que la so finalidá ye xestionar toles xeres necesaries pal desendolque del so llabor, desendolque d’estudios y estadístiques pa trazar un perfil de les necesidaes de los visitantes del so sitiu Web, siendo los campos pidíos en cada formulariu d’obligáu cumplimientu pal accesu a la información y/o conteníos de les respeutives estayes que lo soliciten. Estos datos facilítalos l’usuariu que respuende de la so veracidá y supón dau’l consentimientu pal tratamientu de los datos coles finalidaes indicaes y propies de cada ficheru.
Estos datos van tratase d’igual mou acordies coles prevenciones impuestes pol Reglamentu (XE) 2.019/679 del Parllamentu Européu y del Conseyu relativu a la proteición de les persones físiques no que cinca al tratamientu de datos personales y a la llibre circulación d’estos datos (Reglamentu Européu de Proteición de Datos) y na Llei Orgánica 15/1.999, de 13 d’avientu, de Proteición de Datos de Calter Personal en favor del interesáu y sacantes la cesión d’estos a les autoridaes cuando asina s’esixa nuna Llei, estos datos nun se cederán nin comunicarán ensin el consentimientu previu del interesáu, que podrá aportar a esti ficheru, col envís de llograr información, iguala, anulala o oponese a ella empobinándose a l’Asociación de Traductores Profesionales n’Asturianu Verbéu nes señes siguientes Casa Cultura de Santuyano, Ctra Xeneral, e/n, 33527, Santuyano, Bimenes (Principáu d’Asturies) per corréu postal axuntando fotocopia del so DNI o bien per aciu de corréu electrónicu robláu dixitalmente al oxetu d’acreitar la so identidá empobináu a xeneral@verbeu.as
4.- Midíes téuniques y organizatives
L’Asociación de Traductores Profesionales n’Asturianu Verbéu adoptó les midíes téuniques y organizatives acordies colo afitao na normativa vixente, Reglamentu 2.016/679 Xeneral de Proteición de Datos y Real Decretu 1.720/2.007, de 21 d’avientu, pel que s’aprueba’l Reglamentu de desendolque de la Llei Orgánica de Proteición de Datos siendo los niveles de seguranza o midíes adoptaes los afayadizos a los datos que se faciliten y, amás, instaláronse tolos medios y midíes técniques al so algame pa evitar la perda, mal usu, alteración y accesu non autorizáu a los datos que nos faciliten.
5.- Descargu de responsabilidá
L’Asociación de Traductores Profesionales n’Asturianu Verbéu nun se fai responsable de cualquier perda, direuta o indireuta, pola mor de determinos tomaos sobre la base de la información amosada nel sitiu Web de la so titularidá, yá que por demás, esta, según los sos conteníos puen ser variaos, camudaos y/o desaniciaos en cualquier momentu ensin necesidá llegal de previu avisu.
D’igual miente, nun se fai responsable de los posibles daños que podríen remanecer d’interferencies, omisiones, interrupciones, virus informáticos, averíes telefóniques o desconexones nel funcionamientu operativu de los sistemes electrónicos o informáticos, provocaes por causes ayenes al titular d’esti sitiu Web, de los retrasos o bloqueos nel usu de dichos sistemes causaos por defeutos o sobrecargues de llinies telefóniques, sobrecargues nel sistema d’Internet, o n’otros sistemes electrónicos.
L’Asociación de Traductores Profesionales n’Asturianu Verbéu nun se fai responsable del incumplimientu de cualquier norma aplicable en que pueda cayer l’usuariu nel so accesu a esti sitiu Web.
Tampoco nun se fai responsable del usu illexítimu que terceres persones puedan facer de los nomes de marca, nomes de productu, marques comerciales que, nun siendo propiedá d’esta entidá apaezan nesti Web.
Tenemos enllaces y conexones con otros llugares y sitios Web ensin que por ello podamos responder de la calidá, exautitú y veracidá de los conteníos d’elles polo que nun se fai responsable de cualquier perda, direuta o indireuta, pola mor de determinos tomaos acordies cola información inxertada nes páxines mentaes.
6.- Publicidá y comunicaciones comerciales
L’Asociación de Traductores Profesionales n’Asturianu Verbéu comprométese a nun utilizar esti Web pa facer publicidá engañosa. Nun va tener la consideranza de publicidá engañosa los errores formales o numbéricos que puedan atopase nes estremaes seiciones del sitiu Web causaos como resultancia del caltenimientu o actualización incompleta o defeutuosa de la información contenida naquelles. De resultes de lo indicao enantes, Asociación de Traductores Profesionales n’Asturianu Verbéu comprométese a igualo de la que tenga conocencia de dichos errores.
L’Asociación de Traductores Profesionales n’Asturianu Verbéu comprométese a nun unviar comunicaciones comerciales ensin identificales como tales, en cumplimientu de lo afitao na Llei 34/2.002, de 11 de xunetu, de Servicios de la Sociedá de la Información y del Comerciu Electrónicu. A estos efeutos, nun va tener la consideranza de comunicación comercial tola información que s’unvie a los veceros de l’Asociación de Traductores Profesionales n’Asturianu Verbéu cuando tenga por finalidá’l caltenimientu de la rellación contractual esistente con aquellos y el desendolcu de les xeres d’información, formación y cualesquier otres propies del serviciu que’l veceru tenga contratáu cola empresa.
7.- Llexislación aplicable y Tribunales competentes
La llexislación aplicable ye la española y declárase xurisdicción competente pa la resolución de cualquier clas de controversia que se pudiere derivar de la utilización d’esti Web asina como de la contratación que se pudiere facer al traviés d’ella a los Xulgaos y Tribunales d’Uviéu, Principáu d’Asturies.
8.- Cookies
www.verbeu.as utiliza Cookies col envís de facilitar el restolar pel sitiu Web a los sos visitantes y la realización d’estadístiques d’usu. Les Cookies son pequeños archivos que s’agospien nel so ordenador, pero que nun faciliten información sobre los sos datos de calter personal. Cuando’l destinatariu d’un serviciu de la sociedá de la información restola pel sitiu Web, el sirvidor onde s’atopa agospiada esta reconoz automáticamente la direición IP del ordenador, el día y hora na qu’entama la visita, asina como les distintes seiciones visitaes del sitiu Web. Toa esta información ye necesaria pa poder comunicase y unvia-y la información solicitada y que pueda vese al traviés del so ordenador. Pa más información sobre les Cookies de la páxina Web pue visitar la Política de Cookies.
En casu de dulda, suxerencia o comentariu contaute con nós pel corréu electrónicu a xeneral@verbeu.as
POLÍTICA DE PRIVACIDÁ
La visita al nuesu sitiu Web nun supón que l’usuariu tea obligáu a facilitar nenguna información al rodiu de la so persona. Nel casu de que l’usuariu facilite daqué información de calter personal, los datos coyíos nesti sitiu Web van usase cola finalidá, na forma y coles llendes y drechos que recueye’l Reglamentu (XE) 2.019/679 del Parllamentu Européu y del Conseyu relativu a la proteición de les persones físiques al respeutive del tratamientu de datos personales y a la llibre circulación d’estos datos (Reglamentu Européu de Proteición de Datos) y la Llei Orgánica 15/1.999, de 13 d’avientu, de Proteición de Datos de Calter Personal y el so Reglamentu de desendolque aprobáu per aciu del Real Decretu 1.720/2.007, de 21 d’avientu.
Los datos facilitaos polos usuarios inxertaránse nos ficheros de calter personal de los que ye responsable l’Asociación de Traductores Profesionales n’Asturianu Verbéu, siendo conservaos en territoriu español pol mentáu responsable del ficheru.
Los usuarios que faciliten datos de calter personal, consienten inequívocamente l’inxerimientu de los sos datos a los ficheros, que contengan datos d’esta naturaleza, de los que seya responsable l’Asociación de Traductores Profesionales n’Asturianu Verbéu, asina como’l tratamientu automatizáu o parcialmente automatizáu d’estos col envís de que puedan usase per parte de l’Asociación de Traductores Profesionales n’Asturianu Verbéu cola finalidá de xestionar les rellaciones colos nuesos veceros. L’Asociación de Traductores Profesionales n’Asturianu Verbéu podrá conservar los sos datos, n’acabándose tola rellación col usuariu, nel plazu de prescripción llegalmente afitáu pa facer frente a les responsabilidaes que pudieren remanecer del tratamientu de datos fechu.
L’Asociación de Traductores Profesionales n’Asturianu Verbéu queda autorizada pol usuariu a facer usu de los datos personales que d’él tien y a facer con ellos el tratamientu necesariu pal desendolque de les sos xeres mercantiles, acutando’l drechu de dar de baxa tolos datos que pertenezan a usuarios que nun cumplan los criterios pal desendolque de les sos xeres institucionales y corporatives.
Nel casu de que los datos coyíos s’usaren pa una finalidá distinta pa la que s’algamaren o coyeren fadrá falta’l consentimientu previu de los interesaos.
Los datos coyíos nun serán oxetu de cesión sacante que se tenga primero’l consentimientu del interesáu.
L’Asociación de Traductores Profesionales n’Asturianu Verbéu adoptó les midíes téuniques y organizatives necesaries pa garantizar la seguranza ya integridá de los datos, al igual que pa torgar la so alteración, perda, tratamientu o accesu non autorizáu.
Los usuarios podrán revocar el so consentimientu en cualquier momentu magar qu’ensin efeutos retroactivos asina como exercer de baldre los drechos d’accesu, igua, desaniciu y oposición de los sos datos nos términos señalaos na Llei Orgánica 15/1.999, de 13 d’avientu, de Proteición de Datos de Calter Personal, acordies col procedimientu llegalmente afitáu y nel Reglamentu (XE) 2.019/679 del Parllamentu Européu y del Conseyu relativu a la proteición de les persones físiques al respeutive del tratamientu de datos personales y a la llibre circulación d’estos datos (Reglamentu Européu de Proteición de Datos). Estos drechos podrán exercitase empobinándose per escrito a l’Asociación de Traductores Profesionales n’Asturianu Verbéu, Casa Cultura de Santuyano, Ctra Xeneral, e/n, 33527, Santuyano, Bimenes (Principáu d’Asturies) axuntando copia del so DNI o nes señes de corréu electrónicu xeneral@verbeu.as y nesi casu’l so corréu habrá tar robláu dixitalmente p’acreitar la so identidá.
Cuando se proceda a la recoyida de los datos indicaráse’l calter voluntariu o obligatoriu de les respuestes. La negativa a apurrir los datos calificaos como obligatorios va suponer l’incumplimientu del serviciu o información solicitao. Asina mesmo, van poder facilitase datos de mou voluntariu col envís de dar de la meyor manera’l serviciu demandáu o la información solicitada.
Nel casu de que los usuarios d’esti sitiu Web tuvieren de facilitar les sos señes de corréu electrónicu pa entrar a dalgunos de los servicios o información demandaos podrá manifestar que nun quier recibir nenguna clas de comunicación que l’Asociación de Traductores Profesionales n’Asturianu Verbéu pudiere unviar. L’Asociación de Traductores Profesionales n’Asturianu Verbéu va poner al algame de los usuarios que s’inscribieren en dalgún tipu de llista de corréu dientro d’esti sitiu Web los mecanismos afayadizos pa dase de baxa d’esta.